ಜೀವನ

ಜೀವನ ಒಂದು ಗಾಯನ
ಹುಟ್ಟಿದಾಗ ಲಾಲಿ ಗೀತೆ
ಬಾಲ್ಯದಲ್ಲಿ ಭಕ್ತಿ ಗೀತೆ
ಹರೆಯದಲ್ಲಿ ಪ್ರಣಯ ಗೀತೆ
ಮುಪ್ಪಿನಲ್ಲಿ ವೇದಾಂತ ಗೀತೆ
ಅಂತ್ಯದಲ್ಲಿ ಶೋಕ ಗೀತೆ

                   - ಗಿರೀಶ್ ಕೌಶಿಕ್    

                      ಸಿ.ಇ.ಸಿ

ಮುಸುಕು

ಮಂಜಿನ ಮುಸುಕಿನಲಿ ಕಾಣದ ದಾರಿಯಲಿ
ಇಣುಕಿ ನೋಡುವ ಸೂರ್ಯನ ರಶ್ಮಿಯಲಿ |
ಹಕ್ಕಿಗಳ ಇಂಚರ ಹರಿವ ನೀರ ಸಂಚಾರ
ನುಡಿಸಿದೆ ಸಂಗೀತದ ಝೇಂಕಾರ ||
ಹಸಿರು ಬೆಟ್ಟಗಳ ರಮ್ಯ ನೋಟ
ಮುದ ನೀಡುವ ತಂಗಾಳಿಯಾಟ
ಪ್ರಕೃತಿ ಸೌಂದರ್ಯದ ಮಡಿಲಲ್ಲಿ ನಾ ಕರಗಿದೆ
ನನ್ನನ್ನೇ ಮರೆಸಿದೆ ತನ್ನಲ್ಲೇ ಬೆರೆಸಿದೆ | 

ಮುಂಗಾರು ಮಳೆ

ಬಂದಿದೆ ಮುಂಗಾರು ಮಳೆ

ತಂದಿದೆ ಹರ್ಷದ ಹೊಳೆ 

ಹೊಲ ಗದ್ದೆಗಳಿಗೆ ಜೀವಕಳೆ 

ರೈತರಿಗೆ ಒಳ್ಳೆಯ ಬೆಳೆ

ಮುಖದಲ್ಲಿ ಸಂತಸದ ಖಳೆ.

                    -ಗಿರೀಶ್ ಕೌಶಿಕ್

                      ಸಿ.ಇ.ಸಿ  

ನಲ್ಲೆ

ಓ ನನ್ನ ನಲ್ಲೆ 

ನೀ ಕಂಡ ಕ್ಷಣದಲ್ಲೇ

ನಾ ನಿನಗೆ ಮರುಳಾದೆನಲ್ಲೇ 

ನನ್ನ ಮನದಲ್ಲಿ ಮನೆ ಮಾಡಿಹೆಯಲ್ಲೇ 

ಮನದ ಇಂಗಿತ ಹೇಳಬಂದಾಗಲೇ 

ನನಗೆ ನಿನ್ನ ಭಾವನೆ ತಿಳಿಯಿತಲ್ಲೇ 

ನನಗೆ ತಿಳಿಸದೇ ಬೇರೊಬ್ಬನೊಂದಿಗೆ ಹೋದೆಯಲ್ಲೇ 

ಆದರೂ ನನ್ನ ಮನ ನಿನಗಾಗಿ ಮಿಡಿಯುತಿದೆಯಲ್ಲೇ 

ಮುಂದಿನ ಜನ್ಮದಲ್ಲಾದರೂ ಸೇರೋಣವೆಂದು ಬಯಸುವೆ 

ನನ್ನ ಮನದಲ್ಲೇ , ಮನದಲ್ಲೇ,ಮನಸಿನಾಳದಲ್ಲೇ .....

                              -ಗಿರೀಶ್ ಕೌಶಿಕ್ , 

                                  ಸಿ.ಇ.ಸಿ

ಮನುಜಧರ್ಮ

ಕಲ್ಲಾದರೆ ಶಿಲ್ಪಿಗೆ ಕೈಮುಗಿ
ಮಣ್ಣಾದರೆ ಕುಂಬಾರನಿಗೆ ಕೈಮುಗಿ
ಮರವಾದರೆ ನಿನ್ನ ಕಾಯುವರಿಗೆ ಕೈಮುಗಿ
ಎಲ್ಲರಿಗೆ ಉಪಕಾರಿಯಾಗಿ ಬಾಳುವಂತಾಗಲು    
ದೇವರಿಗೆ ಕೈಮುಗಿ

                       -ಗಿರೀಶ್ ಕೌಶಿಕ್

                     

ಸಾಗರ

ಸಾಗರ ಸಾಗರ ಅದು ನೀರಿನ ಆಗರ 

ಅಲೆ ಅಲೆಯಲೂ ಝುಳು ಝುಳು ಅಬ್ಬರ 

ಜಲತರಂಗದ ಸಂಗೀತ ಸ್ವರ 

ಕಣ್ಗಳಿಗೆ ಸುಂದರ, ಕಿವಿಗಳಿಗೆ ಸುಮಧುರ 

ಎದೆಯಲ್ಲಿ ಹೊಮ್ಮಿದೆ ಝೇಂಕಾರ ಝೇಂಕಾರ ಝೇಂಕಾರ!

                       -ಗಿರೀಶ್ ಕೌಶಿಕ್

ಭಾರತ ನಾರಿ

ಒಹ್ ಭಾರತ ನಾರಿ 

ಸೀರೆಯಲ್ಲಿ ನೀನೆಷ್ಟು ಸುಂದರಿ!

ಹೋಲಿಸಲು ಯಾರೂ ಇಲ್ಲ ಮಾದರಿ 

ನಿನಗೆ ನೀನೆ ಸಾಟಿ ಅದೇ ಸರಿ !

             -ಗಿರೀಶ್ ಕೌಶಿಕ್